Nire ustez itzulpengintzan gauzak nahiko ondo egiten ari dira.

Baina hizkuntzen trataeran telebistan dago arazoa eta bereziki bikoizketan. Pelikulak, serieak, umeen marrazki bizidunak eta abar bertsio originalean bota beharko ziren azpititulatuta.

Sistema honek, beste herrialde batzuetan egiaztatu denez, denborarekin, ikusleen artean irakurtzeko gaitasuna eta atzerriko hizkuntzetako entzumena garatzen dute. Eta gaitasun hoiek oso inportanteak dira gaur egun.

Asuntua izango zen zein hizkuntzatan azpititulatu. ETB1en euskaraz eta ETB2 gaztelaniaz? Marrazki bizidun guztiak euskaraz?

Zeuk eta beste askok, baina zoritxarrez itzulpen txarrez beterik dago baita ere euskara. Selektibitate azterketarako ikasi behar ziren 5 filosofoen testuetatik, Nietzsche-rena zen irakurgarria. Adibide bat jartzeagatik, Platon-en testuak errazagoak ziren gazteleraz edo ingelesez irakurtzea (eta ez lo hartzea), euskaraz baino. Itzulpen horrek bizkaiera kutsuko lapurtera batu bat erabiltzen baitzuen.

Itzulpenak bai, baina kalitatezkoak!

Ez dakit filosofia gairik egokiena den itzulpengintzaz berba egiteko, izan ere arlo honetako testu hauek nahiko ulergaitzak dira hizkuntza guztietan.

Dena den, uste dut literatura itzulia bultzatzea garrantzizkoa dela, hemen euskaraz idazten direnetara bakarrik mugatuz gero munduko hainbat obraz gozatzeko aukera galtzen baitugu.

Eta bikoizketari dagokionez, gaur egun euskaraz bikoizketa txukunak egiten direla deritzot, 80 eta 90 hamarkadetako bikoizketetatik oso urrun. Marrazki bizidunetan gazteleraz baino bikoizketa hobeak egiten dira nire ustez, biziagoak eta sinesgarriagoak (Shin Chan kasurako, gazteleraz gogo barik hitz egiten dute); eta filme eta telesail berriak (Heroiak seriea kasu) ondo bikoiztuta daudela deritzot, gaztelerakoaren inbidiarik gabe.

Arazoa ohitura faltan dago, ez gaude pelikulak euskaraz ikustera ohituak, batez ere ematen ez dituztelako. Hilabeteak daramatzat etb1-en filmeak ikusi barik. Ez dakit zeri begira dauden. Bestalde, noizko euskerazko pelikulak etb2-an erdarazko azpitituluekin??? (guztiek ikusi ahal dezaten).

Ume eta gazteek marrazki bizidunak gustora ikusten dituzte, sarri ematen dituztelako, baina telesail eta filme guztiak erdaraz ikusi behar ditugunez… ETB asko aldatu behar dela deritzot, telesail eta filmeak ere euskaraz emanaz.